Альварес: Оныншы раундта Головкинді нокаутқа түсіруге сәл қалдым

Екі салмақ дәрежесінде әлемнің бұрынғы чемпионы мексикалық Сауль «Канело» Альварес  (49-1-2, 34 КО) орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкинмен (37-0-1, 33 КО) өтетін екінші жекпе-жекке әзірлеген жоспарларын бөлісті және ол өзінің дайындығы туралы айтты, деп хабарлайды kunnews.kz ақпараттық агенттігі BoxingScene.com-ға сілтеме жасап.

Айта кетейік, 5 мамырға белгіленген Головкин – Альварес арасындағы реванш матч Лас-Вегаста T-Mobile аренасында өтеді. Головкин мен Альварестің алғашқы жекпе-жегі 2017 жылдың 16 қыркүйегінде Лас-Вегаста өткен болатын. 12 раундқа созылған жекпе-жек тең есеппен аяқталған еді.

«Қазір мен 30-40 пайызға дайынмын. Мен күнде жаттығамын, алайда жекпе-жекке дайындықты шындап бастамадым. Алдын ала осы шоу, сұхбаттарды өткізіп болған соң, екі ай бойы дайындалумен боламын. Маған басқалай жұдырықтасып керек емес. Тек физикалық дайындық пен агрессияны шыңдау қажет. Мен оны төменнен ұрған уақытта қолайсыздық тудырғанымды байқадым. Ол туралы сездім де, естідім де. Ал оныншы раундта нокаутқа түсіруге аз қалдым. Оның маған жұмсаған соққыларына қарағанда, мен оған көбірек қауіп төндірдім. Ол маған көп соққы жасады, бірақ оның ешқайсысы алаңдайтындай болмады. Екінші жекпе-жекте мен бірінші раундтан бастап агрессияға көшем. Бұл жолы ешқандай түсініспеушіліктің болғанын қаламаймын», – деді Альварес.

Осыған дейін мексикалық боксшы бірінші жекпе-жекте тең нәтиже шығарған төрешілердің шешіміне көңілі қалғанын айтқан еді.

Добавить комментарий

Ваш e-mail не будет опубликован. Обязательные поля помечены *